Beitragsseiten

ตนาทิคณ

 

อถ ตนาทิคโณ วุจฺจเตฯ

 

อาป, กร, ตน, สกฯ

 

๖๘๐. ตนาทิตฺโว [. ๔๕๑; รู. ๕๒๐; นี. ๙๓๒; จํ. ..๙๗; ปา. ..๗๙]

 

ตนาทีหิ ปรํ โอปจฺจโย โหติฯ

 

ตโนติฯ

 

อาป-ปาปุณเน ปปุพฺโพฯ ธาตฺวนฺตสฺส ทฺวิตฺตํ รสฺโส จ, ปปฺโปติ, ปปฺโปนฺติฯ

 

กมฺเม-ปาปียติ, ปาปียนฺติฯ

 

การิเต-ปาเปติ, ปาปยติฯ

 

กมฺเม-ปาปียติ ปาปียนฺติ อิจฺจาทิฯ

 

กร-กรเณ, กโรติ, กโรนฺติฯ

 

กมฺเม-กรียติ, กรียนฺติฯ

 

ตวคฺควรณานํ เย จวคฺคพยญา’ติ ยมฺหิ ธาตฺวนฺตสฺส ยตฺตํ, กยฺยติ, กยฺยนฺติ, กยฺยเร, กยฺยเต, กยฺยนฺเตฯ

 

การิเต-กาเรติ, การยติ, กาเรนฺติ, การยนฺติ, การาเปติ, การาปยติ, การาเปนฺติ, การาปยนฺติฯ

 

๖๘๑. กรสฺส โสสฺส กุํ [. ๕๑๑; รู. ๕๒๑; นี. ๑๑๒๔]

 

โอ-การสหิตสฺส กรสฺส กุํ โหติ มิ, เมสุ ปเรสุฯ

 

กุมฺมิ, กุมฺม, ‘‘ภตฺตุ อปจิติํ กุมฺมิ [ชา. ..๑๒๖], ธมฺมสฺสาปจิติํ กุมฺมี’’ติ [ชา. .๒๒.๑๗๕๒] ปาฬีฯ

 

๖๘๒. กโรติสฺส โข [. ๕๙๔; รู. ๕๘๒; นี. ๑๑๙๘]

 

ปาทิโต ปรสฺส กรธาตุสฺส กฺวจิ โข โหติฯ

 

สงฺขโรติ, สงฺขโรนฺติ, อภิสงฺขโรติ, อภิสงฺขโรนฺติฯ

 

กมฺเม-สงฺขรียติ, สงฺขรียนฺติฯ

 

การิเต-สงฺขาเรติ, สงฺขารยติฯ

 

ณาปิมฺหิ น วุทฺธิ, สงฺขราเปติ, สงฺขราปยติฯ

 

กมฺเม-สงฺขารียติ, สงฺขราปียติฯ

 

๖๘๓. กรสฺส โสสฺส กุพฺพกุรุกยิรา [. ๕๑๑-; รู. ๕๒๑-; นี. ๑๐๗๗---๑๐; จํ. ..๑๐๓; ปา. ..๑๑๐]

 

โอ-การสหิตสฺส กรสฺส กุพฺพ, กุรุ, กยิรา โหนฺติ วา นฺต, มาน, ตฺยาทีสุ, มหาวุตฺตินา วิกปฺเปน กุสฺส กฺรุตฺตํฯ

 

กุพฺพติ กุพฺพนฺติ, กฺรุพฺพติ, กฺรุพฺพนฺติฯ

 

ปรฉกฺเก-กุพฺพเต, กฺรุพฺพเต, กุพฺพนฺเต, กฺรุพฺพนฺเต, กุรุเต, กยิรติ, กยิรนฺติ, กยิรสิ, กยิรถ, กยิรามิ, กยิราม, กยิรเต, กยิรนฺเตฯ

 

กโรตุ, สงฺขโรตุ, กุพฺพตุ, กฺรุพฺพตุ, กุรุตุ, อคฺฆํ กุรุตุ โน ภวํ [ที. นิ. .๓๑๘], กยิรตุฯ

 

กเรยฺย, สงฺขเรยฺย, กุพฺเพยฺย, กฺรุพฺเพยฺย, กยิเรยฺยฯ

 

๖๘๔. ฏา [. ๕๑๗; รู. ๔๘๘; นี. ๑๑๐๕]

 

กยิราเทสโต ปรสฺส เอยฺยวิภตฺติสฺส ฏานุพนฺโธ อา โหติ วาฯ

 

โส ปุญฺญํ กยิรา, ปุญฺญํ เจ ปุริโส กยิรา [. . ๑๑๘], กยิรา นํ ปุนปฺปุนํ [. . ๑๑๘]

 

๖๘๕. กยิเรยฺยสฺเสยฺยุมาทีนํ [. ๕๑๗; รู. ๔๘๘; นี. ๑๐๘๓----]

 

กยิราเทสโต ปรสฺส เอยฺยุํอาทีนํ เอยฺยสทฺทสฺส โลโป โหติฯ

 

กยิรุํ, กยิเรยฺยุํ, กยิราสิ, กยิเรยฺยาสิ, กยิราถ, กยิเรยฺยาถ, กยิรามิ, กยิเรยฺยามิ, กยิราม, กยิเรยฺยามฯ

 

๖๘๖. เอถสฺสา [. ๕๑๗; รู. ๔๘๘; นี. ๑๐๘๒]

 

กยิราเทสโต ปรสฺส เอถสฺส เอ-การสฺส อา โหติ วาฯ

 

โส กยิราถ, ทีปํ กยิราถ ปณฺฑิโต [. . ๒๘], กยิรา เจ กยิราเถนํ [. . ๓๑๓; สํ. นิ. .๘๙]

 

อีอาทิมฺหิ-อกริ, กริ, สงฺขริ, อภิสงฺขริ, อกุพฺพิ, กุพฺพิ, อกฺรุพฺพิ, กฺรุพฺพิ, อกยิริ, กยิริ, อกรุํ, กรุํ, สงฺขรุํ, อภิ, สงฺขรุํ, อกริํสุ, กริํสุ, สงฺขริํสุ, อภิสงฺขริํสุ, อกุพฺพิํสุ, กุพฺพิํสุ, อกฺรุพฺพิํสุ, กฺรุพฺพิํสุ, อกยิริํสุ, กยิริํสุ, อกยิรุํ, กยิรุํฯ

 

๖๘๗. กา อีอาทีสุ [. ๔๙๑; รู. ๕๒๓; นี. ๙๘๓]

 

อีอาทีสุ สโอการสฺส กรสฺส กา โหติ วาฯ

 

๖๘๘. ทีฆา อีสฺส [. ๕๑๗; รู. ๔๘๘; นี. ๑๑๐๕]

 

อา, เอ, อูทีเฆหิ ปรสฺส อีวจนสฺส สิ โหติ วาฯ

 

อฏฺฐาสิ, อทาสิ, วเทสิ, วชฺเชสิ, ภาเวสิ, กาเรสิอนุโภสิ, อโหสิ อิจฺจาทิฯ

 

โส อกาสิ, เต อกํสุ, คาถายํ ‘‘อกํสุ สตฺถุวจน’’นฺติ [ชา. .๒๒.๕๖๔] ปาฬิฯ อกาสุํ, ตฺวํ อกาสิฯ มา ตุมฺเห เอวรูปํ อกตฺถ [คเวสิตพฺพํ], มากตฺถ ปาปกํ กมฺมํ, อาวี วา ยทิ วา รโห [อุทา. ๔๔]ฯ อกาสิตฺถ, อหํ อกาสิํ, มยํ อกาสิมฺหา, อกมฺหาฯ โภเคสุ วิชฺชมาเนสุ, ทีปํ นากมฺห อตฺตโน [ชา. ..๕๓]ฯ โส อกาฯ ‘‘ตโต เอกสตํ ขตฺเย, อนุยนฺเต ภวํ อกา’’ติ [ชา. .๒๐.๙๔] ปาฬิฯ อกาสิตฺถ วา, อหํ อกํ, อกรํ วาฯ ‘‘ตสฺสาหํ วจนํ นากํ, ปิตุ วุทฺธสฺส ภาสิต’’นฺติ [ชา. .๑๗.๑๓๔] ปาฬิฯ

 

การิเต-โส กาเรสิ, การยิ, การาเปสิ, การาปยิ, เต กาเรสุํ, การยุํ, การาเปสุํ, การาปยุํ อิจฺจาทิฯ

 

กริสฺสติ สงฺขริสฺสติ, กุพฺพิสฺสติ, กฺรุพฺพิสฺสติ, กยิริสฺสติ อิจฺจาทิฯ

 

‘‘หรสฺส จาหง สฺเส’ติ สฺเสน สห กรสฺส รการสฺส อาหง โหติ, กาหติ, กาหนฺติ, กถํ กาหนฺติ ทารกา [ชา. .๒๒.๑๘๔๙]

 

อิญาคเม-กาหิติ, กาหินฺติ อิจฺจาทิฯ กาหสิ, กาหถฯ กาหามิ กุสลํ พหุํ [ชา. ..๕๖], กาหาม ปุญฺญสญฺจยํ [อป. เถร ๑..๔๐๑]

 

อาอีอาทีสู’ติ สุตฺเต โยควิภาเคน สฺสตฺยาทีสุปิ กา โหติ, สํโยเค รสฺสตฺตํ, กสฺสติ, กสฺสนฺติ, กสฺสสิ, กสฺสถ, กสฺสามิ, กสฺสาม, กสฺสํ ปุริสการิยํ [ชา. .๒๒.๑๓๑]

 

สฺสาทิมฺหิ-อกาหา, อกริสฺสา อิจฺจาทิฯ

 

ตนุ-วิตฺถาเร, ตโนติฯ

 

ปรสฺสรโลโป-ตโนนฺติฯ

 

๖๘๙. โอวิกรณสฺสุ ปรฉกฺเก [. ๕๑๑; รู. ๕๒๑; นี. ๑๐๒๔]

 

ปรฉกฺเก ปเร โอวิกรณสฺส อุ โหติฯ

 

ตนุเต, ตนุนฺเตฯ

 

ยวา สเร’ติ อุสฺส วตฺเต-ตนฺวนฺเตฯ

 

๖๙๐. ปุพฺพฉกฺเก วา กฺวจิ [. ๕๑๑; รู. ๕๒๑; นี. ๑๐๒๔]

 

ปุพฺพฉกฺเก โอวิกรณสฺส กฺวจิ อุ โหติ วาฯ

 

ตนุติ, กุรุตุฯ

 

กฺวจีติ กึ? กโรติฯ

 

วาติ กึ? ตโนติฯ

 

กมฺเม-ตนียติ, ตญฺญติฯ

 

๖๙๑. ตนสฺสา วา [. ๕๑๗; รู. ๔๘๘; นี. ๑๑๐๕]

 

ตนธาตุสฺส น-การสฺส อา โหติ วา กฺยมฺหิฯ

 

ตายติ, ตายนฺติ, ปตายติ, ปตายนฺติฯ ‘‘อิโต’ทานิ ปตายนฺติ, สูจิโย พลิสานิ จา’’ติ [ชา. ..๘๔] ปาฬิฯ ตายเต, ตายนฺเตฯ

 

สก-สตฺติยํ, สกฺโกติ, สกฺโกนฺติ, สกฺโกสิ, สกฺโกถ, สกฺโกมิ, สกฺโกมฯ

 

ตนาทิคโณ นิฏฺฐิโตฯ

team1
team2
team3
team4
team5
team6
team7
team8
team9
team10
team11
team12
team12
team12
team12